بوابة الأشرف

أستغفر الله العظيم والحمد لله رب العالمين الرزاااااااق الغنى الكريم <<<<< كل عام وأنتم بخير بمناسبة قدوم شهر رمضاااااااان المبارك <<<<< جارى التجهيز لكل ما يتعلق بالعام الدراااااااسى الجديد 2024-2025



العودة   بوابة الأشرف > منتديات الأقسام العامه > إبداعات بأقلام كتابنا

إنشاء موضوع جديد  إضافة رد
قديم 06-20-2019, 11:03 AM
  #1
 الصورة الرمزية الفارس الأشرف
 
تاريخ التسجيل: Sep 2012
الدولة: مصر-القاهره
العمر: 36
المشاركات: 164,121
29 الصمت عندما يتحدث - مقاله بقلم نيفين سعده


الصمت عندما يتحدث - مقاله بقلم نيفين سعده
الصمت عندما يتحدث - مقاله بقلم نيفين سعده
الصمت عندما يتحدث - مقاله بقلم نيفين سعده



مش كل صمت معناه إن الكلام خلص، ولا كل سكوت معناه ضعف، و لا كل سكون معناه وَحدة، الصمت فى أحيان كتيرة يحمل الكثير من الإجابات.

ساعات العين بتتكلم وتعبر أكتر من الكلام، العين مرآة القلب، أحلى كلمات الحب بتتقال بالعيون، لغة العيون هى أوضح لغة ومش محتاجة لترجمة ولا كلام، بتقول أكتر بكتير من الحروف، لو راسم على وشك أكبر ابتسامة بس أنت حزين عينك هاتفقد بريقها وتبقى مطفية، ولو بتحب عينك هايكون فيها لمعة مش ممكن تستخبى.

فيه صمت مريح بيعبر عن قرب اتنين لبعض، فاهمين بعض من غير ما يتكلموا، من نظرة العين ممكن يفهموا الطرف التأنى محتاج إيه أو حاسس إيه، سعيد ولا حزين، قلقان ولا مطمئن، فيه ترمومتر دقيق بيحس بكل تغيير، طبعاً نوع العلاقة دى مش كل حد بيوصلها، بتيجى مع الحب و العشرة والتركيز فى التفاصيل الصغيرة قبل الكبيرة، الناس دى بتشوف وتحس بقلبها.

فيه صمت بييجى لما يكون خلص الكلام، كل الكلام اتقال بدل المرة مية بس اللى أنت بتكلمه مش عايز يفهم، اسكوت بييجى معاه إحباط. بتتعب من المناهدة وتفقد الأمل، بتتعب وطاقتك بتخلص فى محاولاتك لتوصيل مشاعرك واللى جواك، صمتك هو أحسن إجابة لناس لا تحترم كلامك.،مع الوقت تبدى تتأقلم على الوضع اللى مش عاجبك وتحاول بصمتك تداوى جروحك، ده الصمت اللى صوته أعلى من أى صرخة.

فى أحيان كتيرة الصمت بيبقى أفضل من الكلام مع ناس ماتستاهلش وقتك وطاقتك، ما تستاهلكش أنت شخصياً، مش كل حد تزعل منه يستاهل إنك تعاتبه، اختار الناس اللى تتكلم معاهم، ماتضيعش وقتك على ناس عمرها ما حاتفهمك، ده مش معناه الاستسلام، ده معناه إنك اخترت نفسك واشتريت وقتك.

ساعات فى حياتنا بنحتاج للسكون علشان نسمع نفسنا، الدوشة اللى حولينا والصخب خلونا ما نسمعش الصوت اللى جوانا، نرجع خطوة ورا، علشان نتأمل حياتنا، لازم من وقت للتأنى نبعد شوية ونشوف قلبنا بيقولنا إيه، صوتك الداخلى هو حقيقتك وهو أكتر صوت المفروض تثق فيه، حدسك بيبقى صح فى معظم الأحيان، حل إنسان محتاج وقت يعد فيه مع نفسه علشان سلامته وصحته النفسية.

وفيه نوع من الصمت لما يظهر فى أى علاقة بيبقى مؤشر لبداية النهاية، الحوار والمناقشة وساعات كمان الخناق أساسى فى أى علاقة ناجحة. النقاش مفتوح فى كل حاجة، لو مافيش صراحة ووضوح يبقى ده أكبر دليل على إن العلاقة دى غير صحية، لو كل طرف قفل على نفسه وبدأيعيش مع نفسه مع الوقت العلاقة لازم تنتهى، حايبقوا اتنين أغراب عايشين تخت سقف واحد، الصمت فى الحالات دى، بيبقى إعلان عن موت هذه العلاقة.

فى النهاية أحب أقول إن فيه مواقف كتيرة اختيارك لعدم الكلام، بيبقى أفضل كتير من كلام يوقعك فى الغلط أو يتفهم بمعنى غير اللى تقصده، المهم تعرف إمتى تتكلم وإمتى تختار السكوت.


الصمت عندما يتحدث - مقاله بقلم نيفين سعده
الصمت عندما يتحدث - مقاله بقلم نيفين سعده
الصمت عندما يتحدث - مقاله بقلم نيفين سعده



اللهم وفقنا جميعاً إلى كل الخير
مستر أشرف فوده
الفارس الأشرف غير متواجد حالياً  
رد مع اقتباس
قديم 06-20-2019, 11:07 AM
  #2
 الصورة الرمزية الفارس الأشرف
 
تاريخ التسجيل: Sep 2012
الدولة: مصر-القاهره
العمر: 36
المشاركات: 164,121
افتراضي رد: الصمت عندما يتحدث - مقاله بقلم نيفين سعده


You’ re Welcome
Good Bye and Good Luck
Mr. Ashraf Fouda

الفارس الأشرف غير متواجد حالياً  
رد مع اقتباس
قديم 06-20-2019, 11:11 AM
  #3
 الصورة الرمزية الفارس الأشرف
 
تاريخ التسجيل: Sep 2012
الدولة: مصر-القاهره
العمر: 36
المشاركات: 164,121
افتراضي رد: الصمت عندما يتحدث - مقاله بقلم نيفين سعده

الفارس الأشرف غير متواجد حالياً  
رد مع اقتباس
إنشاء موضوع جديد  إضافة رد

مواقع النشر (المفضلة)

الكلمات الدلالية (Tags)
مقاله, الصمت, بقلم, يتحدث, سعده, عندما, نيفين


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة


المواضيع المتشابهه
الموضوع كاتب الموضوع المنتدى مشاركات آخر مشاركة
أنت طالق 2012 مقاله بقلم سحر الصيدلى الفارس الأشرف إبداعات بأقلام كتابنا 3 12-26-2019 02:05 PM
ظلمنا الحكومه 2016 مقاله بقلم طه عمر محمد الفارس الأشرف إبداعات بأقلام كتابنا 2 03-31-2017 11:37 PM
جيش مصر شعب مصر 2016 مقاله بقلم فاطمه ناعوت الفارس الأشرف إبداعات بأقلام كتابنا 2 07-23-2016 10:46 AM
عندما يضحك مبارك 2013 مقاله بقلم أحمد السقا الفارس الأشرف إبداعات بأقلام كتابنا 6 05-13-2013 04:02 AM
مصر فى الخلاط 2013 مقاله بقلم مصطفى فهمى الفارس الأشرف إبداعات بأقلام كتابنا 4 03-22-2013 07:13 AM

RSS 2.0 RSS XML MAP HTML Sitemap
بوابة الأشرف التعليمية


Loading...





Powered by alashrafedu® Copyright ©2000 - 2018, Jelsoft Enterprises Ltd.